USD     Blihet: 109.95 | Shitet: 111.69
EUR     Blihet: 116.11 | Shitet: 116.95
CHF     Blihet: 116.11 | Shitet: 118.51
GBP     Blihet: 133.34 | Shitet: 136.11
AUD     Blihet: 72.21 | Shitet: 76.24
CAD     Blihet: 79.21 | Shitet: 83.62
USD     Blihet: 109.95 | Shitet: 111.69
EUR     Blihet: 116.11 | Shitet: 116.95
CHF     Blihet: 116.11 | Shitet: 118.51
GBP     Blihet: 133.34 | Shitet: 136.11
AUD     Blihet: 72.21 | Shitet: 76.24
CAD     Blihet: 79.21 | Shitet: 83.62

Lajme dhe informacione

1 vit pa Ilir Adilin

2022-02-09



Nga ROLAND QAFOKU

I rëndë sa më ska është 9 shkurti. Si sot një vit më parë humbëm mikun tonë Ilir Adili. Dhe teksa mblidhemi ta kujtojmë, të gjithë e ndjejmë se sa shumë na mungon ai. I mungon familjes, Suzit, Anrit, Fionës por edhe tre nipërve që edhe pse te vegjël, të ndihmuar edhe nga fotografitë, gjyshin do ta kenë në memorie si një vegim i bukur. I mungon nënës së vet Afërditës dhe motrës Migena.

I mungon kryepunës së tij “Ak-Invest” që e themeloi dhe e ngriti si një biznes suksesi. I mungon shoqërisë që sa shumë diti ta mbajë, të japë dhe të marr prej saj aq shumë kënaqësi siç dinte vetëm ai të bënte.

Befas gjithçka nga historia e jetës së Ilir Adilit na duket aq e bukur sa ende nuk e besojmë se ai nuk jeton më. Kujtojmë me mall çdo detaj nga ato që ai bënte. Kujtojmë festën e fundit që ai organizoi në “Rogner” për fundvitin e tre viteve më parë. Nuk e dinim se po përcilleshim me atë festë aq të bukur që ai dinte ti organizonte rregullisht. Këndonte e kërcënte pa e ditur as vetë, e as ne se ishte hera e fundit që shikoheshim në një festë. Nuk e harrojmë ne miqtë e tij atë kafen e fundit me Haxhi Dybelin te “Dy Kullat” teksa diskutonim për gjithçka. Nga punët tona të secilit te punët e shtetit dhe politika. Pa qeshëm me faktin se sa budallallëqe kapnim çdo ditë nga ekranet e televizioneve. Dhe si një qëmtues i hollë i medias, ai leximet i kishte “high profile”. I niste me “The Economist”, “The Guardian” dhe e deri te gazetat më të mira shqiptare. Sot, sa doja që atë intervistën para 15 vitesh te “Panorama” ta kishte dhënë për të treguar një copëz të rendësishme jete kur në vitin 1990 cilësohej si një nga kundërshtarët më të fortë të komunizmit. Por nguruam, pa e menduar se sa shumë duhej sot ajo intervistë.

Ilir Adili ishte një familjar i mirë, një biznesmen i zoti, një shqiptar po aq i mirë dhe një qytetar model i shoqërisë. Për të ishte lumturi që kishte pranë ata që donte. Dhe këto i kishte arritur falë cilësive që kishte duke qenë një person “self made” me gjithë kuptimin e fjalës. Ilir Adili nuk kishte nga pas asnjë përveç punës, pasionit dhe sakrificës së vet.

Por unë, nga të gjitha cilësitë që kishte Ilir Adili përherë veçoj njërën që ishte sipërore nga të gjitha të tjerat. Thjeshtësia e tij ishte forma e madhështisë së vërtetë. Sigurisht që ai e kultivonte këtë cilësi për nga formimi dhe dija që kishte por edhe nga jeta që bënte. Por më shumë kjo lidhej me karakterin e tij të fortë. Dhe të mendosh se në Shqipërinë tonë kjo cilësi është e rrallë sot sidomos mes atyre që kanë arritur ndonjë gjë në jetë. Kur u nda nga jeta unë shkruajta se jeta e tij ishte ndërprerë. Sot pas një viti them se kjo ka ndodhur vetëm fizikisht. Jeta e Ilir Adilit vijon. Ajo vijon në memorin e të gjithëve që patën fatin ta njohin sado pak. Vijon në memorien e familjes, biznesit të tij, miqve dhe shokëve anekënd Shqipërisë, por dhe në botë. Ilir Adili rron ndër jetë!

Lexo me shume

Dega Elbasan

2021-12-30

Degëve dhe zyrave ekzistuese të AK-Invest në Tiranë dhe Vlorë, i bashkohet dhe Dega në qytetin e Elbasanit, prej nga gjithashtu, do të ofrohen sherbimet e transfertave MoneyGram, transfertave brenda vendit TRAK, këmbim valuator, kredidhënie dhe pagesave utilitare.

Bashkëpunimi  përkrah me agjentet AK-Invest, do të provojnë mbështetje dhe frymëzim institucional përkundrejt konkurrencës në tregun financiar! 

Lexo me shume

eReja - Institucion i Parasë Elektronike

2021-09-07


eReja - Institucion i Parasë Elektronike, njofton të gjithë klientet se së shpejti do të lancojë për përdorim për të gjithë: portofolin elektronik (ewallet) nën brandin eReja për kryerjen e pagesave në tregëtare të ndryshëm nëpërmjet skanimit të QR code - RC në tregun vendas, pagesave utilitare dhe shërbime të transfertave dhe pagesave online.

eReja teknologji që shërben në funksion të kohës!

AK - Invest, aksioner i vetëm i eReja!

Lexo me shume

Deklaratë

2021-02-12

Deklaratë
e
Aksionereve dhe Strukturave Drejtuese,
Mbi vijueshmërinë normale të veprimtarisë së
AK - INVEST

Nisur nga ngjarja e rëndë e ndarjes së parakohshme nga jeta të z.Ilir Adili, themelues, aksionar dhe Drejtor i Përgjithshëm i AK - INVEST, gjejmë rastin të shprehim falenderimet për të gjithë mesazhet tuaja të ndjera dhe të shumta të cilat na japin forcën për të vazhduar.
AK - INVEST siguron publikun e gjerë, agjentët, partnerët dhe bashkëpunëtorët e tij se do të vazhdojë të ofrojë të njëjtin nivel profesionalizmi, cilësie shërbimi, mbështetje, bashkëpunimi dhe ndihmese, sipas praktikave dhe standardeve ekselente, të kërkuara dhe zbatuara me rigorozitet dhe gjatë gjithë kohës nga vetë z. Ilir Adili.
Puna dhe veprimtaria në vijim e AK - INVEST do të ecë në mënyrë të padiskutueshme në rrugën e përvijuar dhe modeluar nga z. Ilir Adili, duke ndjekur dhe jetësuar vizionin e tij për ndërtimin dhe funksionimin e një institucioni financiar novator, ekselent, mbështetës, lehtësues e që krijon vlerë të shtuar për të gjithë klientët, agjentët dhe partnerët.
Eksperienca profesionale, talenti frymëzues dhe stili menaxherial modern i z. Ilir Adili do të përbëjnë bazën dhe thelbin e përhershëm të modelit të biznesit të AK - INVEST. Ne mbetemi të përkushtuar për ta ruajtur dhe zhvilluar edhe më tej këtë qasje, me qëllim që AK - INVEST të vijojë të jetë institucioni financiar model dhe gjithmonë novator, brenda sistemit financiar shqiptar.
AK - INVEST premton të jetë gjithmonë në pararojë të zhvillimeve më të reja në fushën financiare në vend, ashtu si z. Ilir Adili përcaktoi që në krijim të AK - INVEST, në vitin 2004!
Së bashku jemi AK- INVEST!

Lexo me shume
1 2 3 4 5 6 7 8 9 10 11 12